مەودا میدیا-

بەڕێوەبەرێتی پەروەردەی قەزای پێنجوێن بەهۆی کەشوهەواوە گۆڕانکاری لە کاتی دەوامی سەرجەم ناوەندەکانی خوێندن دەکات بۆ ماوەیەکی کاتی.

ئەمڕۆ شەممە 4ی شوباتی 2023 بەڕێوەبەرێتی پەروەردەی پێنجوێن رایگەیاند "پاش راوێژ لەگەڵ قایمقامی قەزای پێنجوێن و  بەڕێوەبەری گشتیی پەروەردەی سلێمانی لەبەر بەرژەوەندیی گشتی و سەلامەتی خوێندکاران و قوتابیان بەهۆی بوونی سەهۆڵ بەندان و سەرما و سۆڵەیەکی زۆر لە سنوورەکە بۆ ماوەیەکی کاتی دەوامی سەرجەم ناوەندەکانی خوێندن لە قەزای پێنجوێن و دەوروبەری گۆڕانکاری تیادا دەکرێت".

پەروەردەی پێنجوێن ئاماژەی بەوەکردووە، لە سەنتەری قەزای پێنجوێن و هەردوو ناحیەی گەرمک و ناڵپارێز و گوندەکانی دەوروبەری دەوامی ناوەندەکانی خوێندن بەم شێوە دەبێت:

1- دەوامی بەیانیان کاتژمێر (9)ی بەیانی بۆ (12)ی نیوەڕۆ.

2- دەوامی دوانیوەڕوان کاتژمێر (1)ی دوانیوەڕۆ بۆ (4) ئێوارە. 

س.ر