مەودا میدیا-

دیوارە راگرەكانی شەقامی سالم لە سلێمانی، لەلایەن سێ نیگاركێشەوە بە وێنەی شوێن و كەسایەتییە دێرینەكانی سلێمانی جارێكی دیكە دەنەخشێندرێنەوە.

مەریوان، یەكێك لە نیگاركێشەكانی دیوارەكانی شاڕێی سالم بە پەیامنێری مەودا میدیای راگەیاند، كارەكەیان پێكهاتووە لە 17 تابلۆ بەمەبەستی رازاندنەوەی دیمەنی شەقامەكە.

ئاماژەی بەوەش كرد، ماوەی دوو هەفتە دەبێت دەستیان بە كار كردووە و بڕیارە لە ماوەی دوو مانگدا سەرجەم دیوارە راگرەكانی شاڕێی سالم بنەخشێنن.

ئەو نیگاركێشە باسی لەوەشكرد، لەنێو كەسایەتییەكان كە وێنەیان دەنخشێندرێت، حەپسەخانی نەقیب، تۆفیق وەهبی، شێخ مەحمود، نەوشیراون مستەفا و مام جەلال و زۆری دیكەی تێدا دەبێت.

تابلۆكان سەرجەمیان تایبەتن بە شوێن و كەسایەتییە دێرینەكانی پایتەختی هەڵمەت و قوربانی و بەمەبەستی زیندووكردنەوەی ئەو كەسایەتی و شوێنانە ئەنجامدەدرێت.

ژ.ع