هەرچەندە لە هەفتەی رابردوودا نرخی زێڕ گەیشتە بەرزترین ئاستی لە مێژوودا، بەڵام جارێكی تر نرخەكەی لە بازاڕەكاندا دابەزییەوە. 

هەفتەی رابردوو نرخی یەك ئۆنسە زێڕ لە بازاڕە داراییەكاندا گەیشتە 2,482 دۆلار، كە ئەوەش بەرزترین نرخە لە مێژوودا كە تا ئێستا ئاڵتوون پێیگەیشتبێت، بەڵام لە كۆتایی هەفتەدا جارێكی تر دابەزیەوە و نرخەكەی بۆ هەر ئۆنسەیەك 120 دۆلاری لەدەستدا. 

كامەران محەمەد، كە لە شاری سلێمانی مامەڵەی كڕین و فرۆشتنی زێڕ دەكات بە مەودا میدیای راگەیاند "لەم دواییانەدا نرخی زێڕ بەرز و نزمی زۆری بەخۆوە بینیوە و بە جێگیری نەماوەتەوە و هێشتا روون كە ئایا زیاتر بەرز دەبێتەوە یان دەگەڕێتەوە ئاستی پێشووی". 

وتیشی "هەواڵە جیهانییەكان و بارودۆخی جەنگی نێوان وڵاتان و پێشهاتە لەناكاوەكان كاریگەری زۆریان لەسەر نرخی زێر لە بازاڕە داراییەكانی جیهاندا دەبێت، بۆیەش لە ئێستادا بەو شێوەیە بەرزبووەتەوە". 
ئ.پ