مه‌ودا میدیا-

کارەبای سلێمانی رایده‌گه‌یه‌نێت "لیژنەی باڵای دیاریکردنی نرخی کارەباى کۆمەڵگاکانى نیشتەجێبوون (سیتییەکان) کۆبوونەوەیەکی سازکرد و تیایدا نرخی کیلۆواتی کارەبای موەلیدەی بۆ مانگی تەممووز (7) دیاریکرد، کە بریتییە لە (258) دینار بۆ هەر کیلۆواتێک".

بەڕێوەبەرایەتیی گشتیی کارەبای سلێمانی رایگه‌یاندووه‌ "بەگوێرەی نرخی گازوایل لە بازاڕ و ئەو توێژینەوەیەی بۆ خەرجی موەلیدەی سیتییەکان ئامادەکراوە، نرخی کیلۆوات ئاوەڕێک کارەباى موەلیدەى سیتییەکان بۆ ئەم مانگە (تەممووز) بریتییە لە (258) دینار".

روونیشیكراوه‌ته‌وه‌ "پێویستیشە سەرجەم سیتییەکانی سنووری پارێزگای سلێمانی پابەندبن بەنرخەکەوە، بەپێچەوانەوە ئەگەر زیاتر لەو نرخە وەربگرن رووبەڕووی رێکاری یاسایی دەکرێنەوە".

مانگى حوزەیران، نرخى کیلۆواتێک کارەباى موەلیدەى سیتییەکان (254) دینار بوو.

پ ح ع