مه‌ودا میدیا-
بەیانی ئەمڕۆ لە كاتی كردنەوەی بۆرسەی جیهانی، نرخی زێڕ جارێكی تر بەرزبووەوە و شارەزایانیش پێیان وایە هۆكارەكەی بۆ هێرشەكەی سەر جۆلان دەگەڕێتەوە. 

كاتژمێر چواری بەرەبەیانی ئەمڕۆ دووشەممە، نرخی یەك ئۆنسە زێڕ بەرزبووەوە بۆ 2,403 دۆلار، بەڵام تا كاتژمێر 8ی بەیانی جارێكی تر نرخەكەی دابەزییەوە بۆ 2,390 دۆلار. 

شارەزایانی بازاڕە داراییەكان باس لەوە دەكەن كە هۆكاری بەرزبوونەوەی نرخی ئاڵتوون بەو رادەیە بۆ هێرشەكانی سەر ئیسرائیل و مەترسییەكانی وەڵامدانەوەی ئەو وڵاتە دەگەڕێتەوە. 

 ئاماژە بۆ ئەوەش دەكەن كە هاوكات دابەزینی بەهای دۆلار و سوودی سەر قەواڵە داراییەكانی گەنجینەی ئەمریكا یەكێكی ترە لە هۆكارەكانی بەرزبوونەوەی نرخی ئاڵتوون.
ئ.پ