مه‌ودا میدیا-

راوێژكارى سودانى بۆ كاروبارى ئابوورى رایده‌گه‌یه‌نێت، عیراق رووبه‌ڕووى دۆخێكى خراپى كه‌مئاوى بووه‌ته‌وه‌ و مه‌ترسیشى دروستكردووه‌.

مه‌زهه‌ر محه‌مه‌د، راوێژكارى ئابوورى سه‌رۆكى حكومه‌تى عیراق به‌ مه‌ودا میدیاى راگه‌یاند "قه‌یرانى ئاو به‌رۆكى عیراقى گرتووه‌، به‌تایبه‌ت شاره‌كانى جنوب، رووبه‌ڕووى دۆخێكى خراپ بوونه‌ته‌وه‌".

وتیشى "ئه‌مه‌ بابه‌تێكى ستراتیژى گرنگ و قوڵه‌، پێویستى به‌ چاره‌سه‌رى خێرا هه‌یه‌، ئه‌ركى حكومه‌تیشه‌ ئه‌و قه‌یرانه‌ چاره‌سه‌ر بكات و كارى بۆ بكات".

گرفتى ئاو له‌ عیراق په‌یوه‌ندى به‌ گرتنه‌وه‌ى ئاوى دیجله‌و فوڕات هه‌یه‌ كه‌ چه‌ند ساڵێكه‌ توركیا كارى له‌سه‌ر ده‌كات.