مه‌ودا میدیا-

بەهۆی فێڵكردن لە هاوڵاتییان و فرۆشتنی گۆشتی بەستو بەنرخی فرێش، قائیمقامییەتی سلێمانی گۆشتفرۆشی نەورۆزى داخست.

شۆڕش كەمال، سەرۆكی لیژنەی چواری قائیمقامییەتی سلێمانی رایگەیاند "بەهۆی پابەند نەبون بە مەرجەكانی تەندروستی و ڤێتێرنەری و رێنماییەكانی كاركردن و فرۆشتن و ساغكردنەوەی گۆشی بەستو بەنرخی فرێش، لیژنەكە دوكانی گۆشتفرۆشی نەورۆز لە گەڕەكی هەواری شار داخست".

هه‌روه‌ها وتى "لەكاتی سەردانی لیژنەكە و پشكنییەكان، دەست بەسەر بڕی (24) كلیۆ و (500) گرامدا گیراوە، كە دوای خاوكردنەوەی خاوەن شوێنەكە بەنیازبووە بەهاوڵاتییانی بفرۆشێت".

باسى له‌وه‌شكردووه‌ "یەكێكی تر لە سەرپێچییەكانی گۆشتفرۆشی نەورۆز، نەبونی مۆڵەتی كاركردنە، كە ئەوەش بەپێی رێنماییەكانی كاركردن سەرپێچییەو خاوەن شوێنەكە روبەڕووی رێكاری یاسایی دەكرێتەوە، دوكانی گۆشتفرشی نەورۆز دادەخرێت و خاوەنەكەشی روبەڕوی رێكاری یاسایی دەكرێتەوە".

ع