مه‌ودا میدیا-

ئەنجومەنی پارێزگای كەركوك ئەمڕۆ دووشه‌ممه‌ 14ى تشرینى یه‌كه‌مى 2024، له‌ باره‌ى چه‌ند ته‌وه‌رێكه‌وه‌ كۆدەبێتەوە و تێیدا جێگری یەكەمی پارێزگاریش هەڵدەبژێردرێت.

پەروین فاتیح، ئەندامی ئەنجومەنی پارێزگاى كه‌ركوك ئاماژه‌ى به‌وه‌كرد "ئه‌مڕۆ ئەنجومەنی پارێزگا له‌ كاتژمێر 12ى نیوه‌ڕۆ لە تەلاری ئه‌نجومه‌نه‌كه‌ كۆده‌بێته‌وه‌".

وتیشى "له‌ كۆبوونه‌وه‌كه‌دا گفتوگۆ له‌ باره‌ى چەند تەوەرێکه‌وه‌ ده‌كرێت، تێیدا هەڵبژاردنی جێگری یەكەمی پارێزگار و دەنگدان لەسەر پەیڕەوی ناوخۆی ئەنجومەنەكە هه‌یه‌".

ئاماژه‌ى به‌وه‌شكرد "هاوكات لەسەر لیژنەكانی ئەنجومەن و یەكە ئیدارییەكانی حەویجە و دوبز و داقوقیش، ده‌نگ دەدرێت".

پ ح ع