مه‌ودا میدیا-

كەشناسیی هه‌رێم، پێشبینییەكانی كەشوهەوای بۆ 48 كاتژمێرى داهاتوو بڵاوكردەوە و ئاشكرایكردووه‌ "لەهەندێ ناوچە سنوورییەکانیش نمەباران دەبێت و کاریگەری ئەم کەشە لەسەر ناوچە سنوورییەکان تا بەرەبەیانیی رۆژی چوارشەممە بەشێوەی نمەباران و بەفر بەردەوامی دەبێت".

بەڕێوەبەرایەتیی گشتیی کەشناسی و بوومەلەرزەزانیی هەرێمى كوردستان رایگه‌یاندووه‌ "ئەمڕۆ سێشەممە، ئاسمان بەگشتی نیمچەهەور دەبێت، لەشەودا لە لووتکەی ناوچە شاخاوییە سنوورییەکان ئەگەری کەمێک بەفربارین هەیە، لەهەندێ ناوچە سنوورییەکانیش نمەباران دەبێت".

راشیگه‌یاندووه‌ "کاریگەری ئەم کەشە لەسەر ناوچە سنوورییەکان تا بەرەبەیانی رۆژی چوارشەممە بەشێوەی نمەباران و بەفر لە کاتی جیاجیا بەردەوامی دەبێت، پلەكانی گەرماش نزیک دەبێت لە تۆمارکراوەکانى دوێنێ".

ئاماژه‌ى به‌وه‌شكردووه‌ "سبەینێ چوارشەممە، ئاسمان نیمچەهەور و پەڵەهەور دەبێت، لەگەڵ کەمێک زیادبوونی خێرایی با بەتایبەت لەسنووری باشووری هەرێم، کەمێک نزم دەبێتەوە بەراورد بەتۆمارکراوەکانى ئەمڕۆ".

بەرزترین پلەكانی گەرمای پێشبینیكراو بە پلەی سیلیزی:

هەولێر: 22 پلەی سیلیزی

سلێمانی: 21 پلەی سیلیزی

دهۆك: 21 پلەی سیلیزی

كەركوك: 25 پلەی سیلیزی

هەڵەبجە: 22 پلەی سیلیزی

زاخۆ: 23 پلەی سیلیزی

حاجی ئۆمەران: 11 پلەی سیلیزی

سۆران: 18 پلەی سیلیزی

گەرمیان:  24 پلەی سیلیزی

پ ح ع