مه‌ودا میدیا-

ئێواره‌ى ئه‌مڕۆ یه‌كشه‌ممه‌، تۆپخانەکانی سوپای تورکیا، بەچڕی بۆردوومانی زنجیرە چیای گارایان كرد.

كامه‌ران عوسمان، ئه‌ندامى رێكخراوى سى پى تى ئه‌مه‌ریكى له‌ عیراق به‌ مه‌ودا میدیاى راگه‌یاند لە کاتژمێر 4 و 55 خولەکی ئێواره‌ى ئەمڕۆ تاوەکو کاتژمێر 5 و 30 خولەک، تۆپخانەکانی سوپای تورکیا، لە هەردوو بارەگای سەربازی مام رەشا لەسەر چیای کوڕەژار و گەلی رەشاڤاوە 16 جار بۆردوومانی بەری نزارێیان لە زنجیرە چیای گارا کرد".

وتیشى "لە ماوەی چوار رۆژی رابردوودا، سوپای تورکیا لە رێگەی فڕۆکەی جەنگی و تۆپبارانەوە، 27 هێرشی بۆسەر چیای گاراى كردووه‌".

باسى له‌وه‌شكرد "له‌و بۆردوومانانه‌ هیچ هاوڵاتییەکی مەدەنی نەبوونەتە قوربانی".

ع