مه‌ودا میدیا

بەرپرسی دەستەی هەڵبژاردنەكانی هەرێم لە كۆمیسیۆنی باڵا عیراق رایده‌گه‌یه‌نێت "ئه‌مڕۆ ئۆفیسى دهۆك ده‌ست به‌دابه‌شكردنى ئه‌و بڕه‌ پاره‌یه‌ ده‌كات كه‌ بۆ كارمه‌ندانى سه‌ر سندووق دیاریكراوه‌ و كارمه‌ندانى هه‌ولێر و سلێمانیش ده‌كه‌وێته‌ سه‌ره‌تاى هه‌فته‌ى داهاتووه‌وه‌".

نەبەرد عومەر، بەرپرسی دەستەی هەڵبژاردنەكانی هەرێمی كوردستان لە كۆمیسیۆنی باڵای سەربەخۆی هەڵبژاردنەكانی عیراق بۆ مه‌ودا میدیا رایگه‌یاند "ئه‌مڕۆ سێشه‌ممه‌، ئۆفیسى دهۆك ده‌ست به‌دابه‌شكردنى ئه‌و بڕه‌ پاره‌یه‌ ده‌كات كه‌ بۆ كارمه‌ندانى سه‌ر سندووق له‌ هه‌ڵبژاردنى په‌رله‌مانى كوردستاندا دیاریكرابووه‌".

وتیشى "به‌ڵام له‌ هه‌ولێر و سلێمانى ره‌نگه‌ بكه‌وێته‌ سه‌ره‌تاى هه‌فته‌ى داهاتووه‌وه‌، چونكه‌ چه‌ند كێشه‌یه‌كى ته‌كنیكییان هه‌یه‌، ئه‌یگینا كێشه‌ له‌ پاره‌كه‌دا نییه‌ و هاتووه‌".

جه‌ختى كرده‌وه‌ "پاش ته‌واوكردنى هه‌ندێك رێكارى ئیداری و دارایی، سه‌ره‌تاى هه‌فته‌ى داهاتوو كارمه‌ندانى  ئه‌و دوو پارێزگایه‌ش پاره‌كانیان وه‌رده‌گرن".

پ ح ع