مەودا میدیا-

سه‌رۆكی لیژنه‌ی دارایی لە پەرلەمانی عیراق له‌گه‌ڵ وەفدێکی باڵیۆزخانەی ئه‌مەریكا کۆبووەو دۆسییه‌ی گرێبه‌ستی كۆمپانیا بیانییه‌كانی نه‌وتیان له‌ هه‌رێمی كوردستان تاوتوێكرد.

عه‌توان عه‌توانی، سه‌رۆكی لیژنه‌ی دارایی لە پەرلەمانی عیراق رایگەیاند "پێویستە ناکۆکییەکانی نێوان هەرێم و بەغدا کۆتایی پێبێت، چونكه‌ كاریگه‌ریی نه‌رێنی له‌سه‌ر سه‌قامگیری دارایی وڵات هه‌یه‌".

ئاماژەی بۆ ئەوەشکرد "پێویسته‌ هه‌رێم پابه‌ند بێت به‌ پێدانی داهاتی ناوخۆ به‌ حكومه‌تی ناوەند له‌پێناو وه‌رگرتنی شایسته‌ داراییه‌كانی له‌ مووچه‌ی فه‌رمانبه‌ران و بودجه‌ی پڕۆژه‌كان".

ئەوەشی خستەڕوو "پێویستە پڕۆژه‌كان به‌پێی خشته‌ی كاتی دیاریكراو دەستپێبکاتەوە، هەروەها زیادكردنی داهاتی نا نه‌وتی و كه‌مكردنه‌وه‌ی خه‌رجییه‌كان بۆ پڕۆژه‌ ناپێویسته‌كان".

ب ح