مه‌ودا میدیا-

فه‌رهاد پیرباڵ، نوسه‌رى كوردستان و مامۆستاى زانكۆ له‌ لێدوانێكدا، هێرشى كرده‌ سه‌ر مامۆستایانى مانگرتوو و به‌ درۆزن ناویان ده‌بات.

فه‌رهاد پیرباڵ له‌باره‌ى مانگرتنى مامۆستایانى ناڕازیی سلێمانى وتى "ئه‌و مامۆستایانه‌ى مانیانگرتووه‌ درۆزنن و پێم خۆشه‌ حكومه‌ت به‌ده‌م داواكه‌یانه‌وه‌ نه‌چێت".

ئه‌و قسانه‌ى فه‌رهاد پیرباڵ له‌كاتێكدایه‌ ناوبراو له‌ ماوه‌ى رابردوو ناڕه‌زایه‌تیی خۆى له‌به‌رانبه‌ر حكومه‌تى هه‌رێم راگه‌یاندووه‌.

لاى خۆیه‌وه‌ عوسمان گوڵپى، وته‌بێژى مامۆستایانى مانگرتوو به‌ مه‌ودا میدیاى راگه‌یاند "ئاگاداری ئه‌و قسانه‌ین، به‌ڵام نامانه‌وێت وه‌ڵامى بده‌ینه‌وه‌".