مەودا میدیا-

بڕیارە هەفتەی داهاتوو دەست بە دابەشکردنی یەکەم بەشەخۆراکی مانگانەی ئەمساڵ بکرێت، وەزارەتی بازرگانی عیراقیش بڵاویکردەوە کە سەبەتەیەکی خۆراکی تایبەت بە مانگی رەمەزان دابەش دەکەن.

کامەران فەتاح، بەڕێوەبەری دابەشکردنی خۆراک لە سلێمانی بە مەودا میدیای راگەیاند "هەفتەی داهاتوو دەست بە دابەشکردنی بەشە خۆراکی مانگی یەکی ئەمساڵ بەسەر بریکارەکاندا دەکەن".

ئاماژەی بۆ ئەوەشکرد "تاوەکو ئێستا هیچ ماددەیەکی خۆراکی سەبەتەی مانگی رەمەزانیان پێ نەگەیشتووە کە وەزارەتی بازرگانی عیراق ئامادەیکردووە و بڕیارە پێش هاتنی مانگی رەمەزان بەسەر خێزانەکاندا دابەشی بکات".

ئەوەشی خستەڕوو "سەرجەم ماددە خۆراکییەکان لە گەنجینەکانیاندا هەیە و هەرکات سەبەتەی خۆراکی مانگی رەمەزانیش بگاتە گەنجینەکان لە ماوەیەکی کەمدا دەست بە دابەشکردنی دەکەن".

ب ح