مەودا میدیا-

کۆمسیۆنى باڵاى پەنابەرانى سەر بە نەتەوەیەکگرتووەکان، راپۆرتێکی لەبارەی بوونی کۆچبەر و بەنابەران لە عیراقدا بڵاوکردەوە.

کۆمسیۆنى باڵاى پەنابەران رایگەیاند "لەئێستادا 338 هەزار و 138 کۆچبەر و پەنابەر لە عیراق هەیە کە 109 هەزار کەسیان لە کامپەکاندا دەژین".

ئاماژەی بۆ ئەوەشکرد "کۆچبەرانی سوری زۆرینەی پەنابەرانى نیشتەجێى عیراق پێکدەهێنن کە ژمارەیان دەگاتە 303 هەزار و 611 کەس".

ئەوەشی خستەڕوو "نۆ هەزار و 447 هاوڵاتیى ئێرانی، زیاتر لە هەشت هەزار هاوڵاتى تورکیا و حەوت هەزار و 285 هاوڵاتیی فەڵەستینی لە عیراق دەژین".

ب ح