مەودا میدیا-

ئەندامێکی پەرلەمانی کوردستان ئاشکرایکرد کە دامەزراوەی ناشناڵ کۆندێکست سەبارەت بە نرخی کارەبا لێکۆڵینەوەیەکی کردووەو ئەو شوێنانەی هەولێری وەرگرتووە کە نزیکەی 70 هەزار بەشداربووی کارەبا هەیە و ئەمساڵ تەواوی شارەکە دەگرێتەوە، بەراوردی کردووە بە ئیتاڵیا، ئەڵمانیا، بەریتانیا و دانیمارک.

عەلی حەمەساڵح، ئەندامی پەرلەمانی کوردستان رایگەیاند "ناکرێت داهاتی تاک لە دانیمارک نزیکەی سێ هەزار دۆلار بێت و لە هەولێر 200 بۆ 250 هەزار دینار بێت بەڵام حکومەتی هەرێم دەیەوێت کارەبای هەولێر لە ئیتاڵیا، ئەڵمانیا، بەریتانیا و دانیمارک گرانتربێت".

ئاماژەی بۆ ئەوەشکرد "داهاتی تاک لەسنووری ناحیەیەک بە بەردەوامی کەمترە لە 100 هەزار دینار، چۆن دەتوانێت 250 هەزار کرێی کارەبا دابین بکات، لەبەرئەوە دەبێت ئەم نرخە گرانەی کارەبا پێداچوونەوەی بۆ بکرێت".

ب ح