مه‌ودا میدیا-

كۆمه‌ڵه‌ى كرێنشینانى كوردستان رایگه‌یاند، داوا له‌ خاوه‌ن موڵك و ماڵ ده‌كه‌ین، بۆ مانگى ره‌مه‌زان كرێ له‌ كرێچییه‌كانیان وه‌رنه‌گرن.

به‌رهه‌م قه‌ره‌داغى، سه‌رۆكى كۆمه‌ڵه‌ى كرێنشینانى كوردستان به‌ مه‌ودا میدیاى راگه‌یاند "به‌بۆنه‌ى مانگى پیرۆزى ره‌مه‌زان، داوامانكردووه‌ خاوه‌ن موڵك و ماڵ بۆ ئه‌و مانگه‌ كرێ له‌ كرێچییه‌كانیان وه‌رنه‌گرن".

وتیشى "ئه‌و داوایه‌ له‌ ئه‌نجامى خراپى دۆخى دارایی هاوڵاتییان و دواكه‌وتنى مووچه‌بووه‌، تا له‌و مانگه‌دا زیاتر بارى دارایی كرێچییه‌كان خراپتر نه‌بێت".

ئه‌وه‌شى خسته‌ڕوو "داوا ده‌كه‌ین مامۆستایانى له‌ مزگه‌وته‌كانه‌وه‌ بانگه‌واز بۆ ئه‌وه‌ بكه‌ن خه‌ڵك به‌ده‌م داواكارییه‌كه‌وه‌ بچن".

ع