مه‌ودا میدیا-

سه‌رۆكى لیژنه‌ هاوبه‌شه‌كانى قائیمقامیه‌تى سلێمانى رایگه‌یاند، هه‌ر دوكان و شوێنێك نرخى گرانبكات به‌ توندترین شێوه‌ سزا ده‌درێت.

گۆران قادر، سه‌رۆكى لیژنه‌ هاوبه‌شه‌كانى قائیمقامیه‌تى سلێمانى به‌ مه‌ودا میدیاى راگه‌یاند "له‌ سه‌ره‌تاى ره‌مه‌زانه‌وه‌ ته‌واوى لیژنه‌كان شه‌و و رۆژ له‌ بازاڕو شوێنه‌كانن و به‌دوادچوون بۆ نرخه‌كان و كه‌لوپه‌ل و خۆراك ده‌كه‌ن".

وتیشى "هه‌ر لایه‌نێك پابه‌ندى مه‌رج و رێنماییه‌كان نه‌بێت و نرخ گرانبكات به‌ توندترین شێوه‌ سزا ده‌درێت".

ئه‌وه‌شى خسته‌ڕوو "خۆشبه‌ختانه‌ هه‌مووان پابه‌ندن و هیچ گرانییه‌ك له‌ كه‌لوپه‌ل و خۆراك رووینه‌داوه‌، ته‌نها هه‌ندێ سه‌وز نه‌بێت ئه‌ویش عه‌لوه‌ى سلێمانى ده‌ڵێت به‌هۆى كه‌شوهه‌وا كه‌مى روویداوه‌".

ع