مەودا میدیا-

بۆ خەرجکردنی 100 هەزاری خانەنشینانی هەرێمی کوردستان، سودانی داوایەکی لە ئەمینداریەتیی ئەنجومەنی وەزیرانی عیراق کرد.

سۆران عومەر، ئەندامی لیژنەی دارایی پەرلەمانی عیراق بڵاویکردەوە "نوسینگەی محەمەد سودانی، سەرۆکی حکومەتی عیراق، داواکاری 100 هەزارەکەی خانەنشینانی هەرێمی کوردستانی ئاراستەی ئەمینداریەتیی گشتیی ئەنجومەنی وەزیران کردو داوای راو بۆچونیان دەکات".

لە سەرەتای ساڵی 2025، بۆ مووچەی مانگی 1 و 2، خانەنشینانی هەرێم، ئەوانەی مووچەکەیان خوار یەک ملیۆنە، یەکی 100 هەزار دیناریان لێ بڕدراوە.

دارا سێکانیانی، ئەندامی پەرلەمانی عیراق لە فراکسیۆنت یەکگرتووی ئیسلامیی کوردستان بە مەودا میدیای راگەیاند "ئەو 100 هەزارە لەسەر بڕیاری محەمەد سودانی، سەرۆکی حکومەتی عیراق خەرجکراوە بۆ ساڵی 2024، دەبێت بۆ ساڵی 2025 جارێکی تر بڕیاری بۆ دەربکاتەوە تا بۆیان خەرجبکرێت".

ع