مه‌ودا میدیا-

له‌ چه‌ند رۆژى رابردوو بامێى عیراقى هاته‌ بازاڕه‌وه‌ و نرخه‌كه‌ى له‌ سه‌رو 40 هه‌زار دیناربوو بۆ یه‌ك كیلۆ، عه‌لوه‌ى سلێمانى ده‌ڵێت، هه‌رزانبووه‌.

سه‌روه‌ر عه‌لى، به‌رپرسى عه‌لوه‌ى سلێمانى به‌ مه‌ودا میدیاى راگه‌یاند "ئه‌و بامێى له‌ چه‌ند رۆژى رابردوو هاته‌ بازاڕه‌وه‌، هى خوارو ناوه‌ڕاستى عیراقبوو، له‌وێ سه‌وزه‌كان زووتر پێده‌گه‌ن چونكه‌ گه‌رمه‌".

وتیشى "یه‌ك كیلۆ له‌ عه‌لوه‌ى به‌ 25 هه‌زاربوو، له‌ بازاڕ به‌ 40 هه‌زار دیناربوو، به‌ڵا ئێستا هه‌رزانبووه‌ و یه‌ك كیلۆ له‌ عه‌لوه‌ به‌ 15 هه‌زار دیناره‌و له‌ ده‌ره‌وه‌ش له‌ 25 هه‌زاردایه‌".

به‌رهه‌مى بامێى ناوخۆ له‌ هه‌رێمى كوردستان له‌ مانگى حوزه‌یران پێده‌گات و ده‌كه‌وێته‌ بازاڕه‌وه‌.

ع