مه‌ودا میدیا-

راوێژكارێكى محه‌مه‌د سودانى، سه‌رۆكى حكومه‌ت عیراق باس له‌وه‌ ده‌كات، بانكى ناوه‌ندیی بیر له‌ دروستكردنى دراوى ئه‌لیكترۆنى ده‌كاته‌وه‌ بۆ رێكخستنى بازاڕو مامه‌ڵه‌ ده‌ره‌كییه‌كان.

مه‌زهه‌ر محه‌مه‌د، راوێژكارى ئابوورى سه‌رۆكى حكومه‌تى عیراق به‌ مه‌ودا میدیاى راگه‌یاند "بانكى ناوه‌ندیی عیراق بیرى له‌وه‌ كردووه‌ته‌وه‌ دراوى ئه‌لیكترۆنى دروستبكات، به‌ڵام ئه‌مه‌ له‌ ئێستادا ته‌نها بیرۆكه‌یه‌".

وتیشى "ئه‌مه‌ بۆ هاوسەنگی لەگەڵ پەرەسەندنی سیستەمی دراوی دیجیتاڵی لە سەرانسەری جیهان، بەتایبەت لە نیشتەجێبوونە نێودەوڵەتییەکان".

ئه‌وه‌شى خسته‌ڕوو "ئەمەش رێک ئامانجەکەیەتی چونکە هەموو مامەڵەکانی پارەدان تۆمار دەکرێن و چاودێری دەکرێن، لە سادەترین مامەڵەوە تا گەورەترین، كاریگه‌ری گه‌وره‌شى له‌سه‌ر ناشه‌فافى و بردنى دۆلار به‌ قاچاخ ده‌بێت".

پێشتریش عەلی عەلاق، پارێزگاری بانکی ناوەندیی عیراق رایگەیاند "مامەڵەکردنی بانکەکە بە دراوی کاغەز بۆ نیوە کەمبووەتەوە و هەر بەوشێوازە بەردەوامدەبن تا ئەوکاتەی پارەی کاش ناهێڵن و هەمووی دەکەن بە پارەدانی ئەلیکترۆنی".

ع