مه‌ودا میدیا-

وه‌زیرى په‌روه‌رده‌ى عیراق، شه‌ش مانگ پله‌به‌رزكردنه‌وه‌ى مامۆستایان و فه‌رمانبه‌رانى سه‌ر به‌ وه‌زاره‌تى په‌روه‌رده‌ى پێشخت.

له‌ نوسراوێكى ئه‌و وه‌زاره‌ته‌ هاتووه‌ "ئه‌مڕۆ دووشه‌ممه‌، 17ى ئادار، وه‌زیرى پەروەردە شه‌ش مانگ پلەبەرزکردنەوەی بۆ هەموو مامۆستا و فەرمانبەرانی وەزارەتەکە پێشخست".

سامان عه‌لى، ئه‌ندامى ده‌سته‌ى داكۆكى له‌ مافى مامۆستایان به‌ مه‌ودا میدیاى راگه‌یاند "مامۆستایان و فه‌رمانبه‌رانى عیراق به‌و شێوه‌یه‌ خزمه‌ت ده‌كرێن، مامۆستایان  وفه‌رمانبه‌رانى كوردستانیش ده‌بێت چه‌ند مانگێك چاوه‌ڕێى مووچه‌یه‌ك بكه‌ن".

وتیشى "مووچه‌ی مانگی 12ه‌ش له‌لایه‌ن حكومه‌تی هه‌رێمه‌وه‌ دیار نه‌ماوه‌ و پله‌ به‌رزكردنه‌وه‌ى ته‌واوى فه‌رمانبه‌ران و مامۆستایانیش ماوه‌ى 10 ساڵه‌ راگیراوه‌".

ع