مەودا میدیا-

راوێژكاری سه‌رۆكایه‌تی كۆماری عیراق بڵاویکردەوە دادگای فیدڕاڵی بڕیاری له‌باره‌ی داوا یاساییه‌كه‌یان سه‌باره‌ت به‌ مووچه‌ی فه‌رمانبه‌رانی هه‌رێمی كوردستان ده‌ركردووه‌ و داواشیكردووه‌ فه‌رمانبه‌ران سه‌رپشك بكرێن له‌هه‌ڵبژاردنی بانكه‌كان.

هاوڕێ تۆفیق، راوێژكاری سه‌رۆكایه‌تی كۆماری عیراق رایگەیاند " دادگای فیدراڵی داواى تەوتینی مووچە دەکات بەپێی رێنمایی بانکی ناوەندىی و بانکە حکومیی و ئەهلییەکان بگرێتەوە، لە رێگەی وەزارەتی دارایی حکومەتی هەرێم لەگەڵ وەزارەتی دارایی عیراق بڕیارەکە جێبەجێ بکرێت".

ئاماژەی بۆ ئەوەشکرد "به‌پێی بڕیاری دادگای فیدڕاڵی نابێت كێشه‌كانی نێوان حكومه‌تی عیراق و هه‌رێم ببنە هۆكاری خه‌رجنه‌كردنی مووچه‌ی فه‌رمانبه‌ران، وە هەروەها داوای ده‌ركردنی فه‌رمانسالارییان كردبوو، دادگا بۆ ئه‌م برگه‌یەی ره‌تكردووه‌تەوە".

ئەوەشی خستەڕوو "سه‌رۆك كۆمار و سه‌رۆكایه‌تی كۆمار پشتیوانی هه‌ردوو حكومه‌تی فیدڕاڵ و هه‌رێم ده‌بێت و وه‌كو چه‌ترێكی نیشتمانی داكۆكی له‌ مافی هه‌موو خه‌ڵك به‌بێ جیاوازیی ده‌كات".

ب ح