مەودا میدیا-

ئەمڕۆ دووشەممە 2025/3/24، پەرلەمانی عیراق کۆدەبێتەوە وخوێندنەوە بۆ حەوت پڕۆژە یاسا دەکات كه‌ گرنگترینیان پڕۆژه‌یاسای ده‌سته‌ی حه‌شدی شه‌عبییه‌.

فەرمانگەی راگەیاندنی پەرلەمانی عیراق ئاشکرایکرد "کاتژمێر 8:00ی ئەمشەو  کۆبوونەوەکانی پەرلەمان دەستپێدەکاتەوەو خوێندنەوە بۆ حەوت بڕگە دەکات".

بەپێی کارنامەی کۆبوونەوەکەی پەرلەمان، یاسای خزمەت و خانەنشینی حەشدی شەعبی  خوێندنەوەی یەکەمی بۆ دەکرێت، کە یاساکە لە 18 ماددە پێک هاتووە و تێیدا رێکخستەنەوەی حەشدی شەعبی، مۆڵەت، دەرماڵە، پلە بەرزکردنەوە و خانەنشینی لەخۆ دەگرێت.

ئەمە لە کاتێکدایە، بەهۆی ناکۆکیی لەسەر پڕۆژەیاسای دەستەی حەشدی شەعبی، كێشە لەنێوان سەركردەكانی چوارچێوەی هەماهەنگی دروستبووەو ماوەی 50 رۆژە کۆبوونەوەکانی پەرلەمانی راگرتووە.

ب ح