مەودا میدیا-
كۆمسیۆنی باڵای هەڵبژاردنەكانی عیراق پرۆسەی تازەكردنەوەی تۆماری دەنگدەران دەستپێدەكات و پرۆسەكەش ماوەی یەك مانگ بەردەوام دەبێت.

جومانە غەلای، وتەبێژی كۆمسیۆنی باڵای هەڵبژاردنەكانی عیراق رایگەیاند"لە رۆژی سێشەممەوە پرۆسەی تازەكردنەوەی تۆماری دەنگدەران دەستپێدەكات بۆ ئەنجامدانی حاڵەتەكانی تازەكردنەوەی تۆماركردنی ناوی ئەو كەسانەی بۆ یەكەمجار بەشداری پرۆسەی دەنگدان دەكەن لەگەڵ راستكردنەوە وگۆڕانكاری وكوژانەوە و تۆماركردنی ئاوارەكان وتۆماری هێزە ئەمنیەكان". 

وتیشی"كارتی نیشتمانی بەسە بۆ سەلماندنی عیراقیبوونی دەنگدەر، ئەگەر كارتی نیشتمانیش نەبوو ئەوا پێویست بە ناسنامەی باری كەسێتی و رەگەزنامە دەكات". 

ئاماژەی بۆ ئەوەشكرد"بۆ تازەكردنەوەی زانیاری دەنگدەر، پێویست بە كارتی بایۆمەتری دەنگدان دەكات كەپێشتر تۆماركراوە". 
ئ پ