بەپێی پێشبینییەكانی دەستەی كەشناسی عیراق، ئەمڕۆ پلەكانی گەرما نزیكەی دوو بۆ سێ‌ پلە بەراورد بە دوێنێ‌ بەرزتر دەبنەوە. 

لە راگەیەنراوێكدا دەستەی كەشناسی عیراق بڵاویكردووەتەوە، كەش و هەوای ئەمڕۆ سێ‌ شەممە روون و هەندێك جاریش پەڵەهەور دەبێت، بەڵام لە شەودا ئاسمان بە تەواوی هەور دەبێت و لە هەندێك لە شارەكانی خوارووی وڵات نمەباران دەبارێت. 

ئاماژە بەوەشكراوە، پلەكانی گەرما بە بەراورد بە دوێنێ دووشەممە، نزیكەی دوو تا سێ‌ پلە بەرزتر دەبنەوە، بەڵام لە شەودا دادەبەزن. 

كەشناسی عیراق ئاماژەی بۆ ئەوەشكردووە، رۆژی چوارشەممە ئاسمان هەور دەبێت لەگەڵ نمەباران و هەندێكجاریش رەشەبای لەگەڵدا دەبێت  و پلەكانی گەرماش چەند پلەیەك لە ناوچەی ناوەڕاست بەرزدەبنەوە.
ئ پ