مەودا میدیا-

وتەبێژی كۆمسیۆن باڵای سەربەخۆی هەڵبژاردنەكانی عیراق سەبارەت بە بەڕێوەچوونی هەڵبژاردنی پەرلەمان پەیامێکی بڵاوکردەوە.

جومانە غەلای، وتەبێژی كۆمسیۆن رایگەیاند "هەڵبژاردنی پەرلەمان عیراق لە كاتی خۆیدا ئەنجام دەدرێت، لەئێستادا ئامێرەكانی دەنگدان بۆ رۆژی هەڵبژاردن ئامادە دەكەن".

ئاماژەی بۆ ئەوەشکرد "كۆمسیۆن پابەندە بە ئەنجامدانی هەڵبژاردنی پەرلەمان لە  وادەی دیاریكراوی خۆیدا لە مانگی تشرینی یەكەمی ئەمساڵ".

ئەوەشی خستەڕوو "لەئێستادا ئامادەكاریی دەكەن بۆ پشكنینی ئامێرەكانی دەنگدان و لەمساڵیشدا یەك ملیۆن دەنگدەری نوێ لەدایكبووی ساڵی 2007 هەیە، كە بۆ یەكەمجار بەشداری لە پرۆسەکەدا دەكەن".

ب ح