مەودا میدیا-

ئه‌ندامێكى په‌رله‌مانى عیراق له‌ فراكسیۆنى یه‌كێتیی نیشتمانیی كوردستان رایگه‌یاند، داخستنى تیكتۆك له‌ عیراق كارێكى ئاسان نابێت.

کاروان یاروەیس، ئەندامی پەرلەمانی عیراق لە فراکسیۆنی یەکێتیی نیشتمانیی کوردستان رایگەیاند "داخستنی تیكتۆك و تۆڕه‌كۆمه‌ڵایه‌تییه‌كانی تر له‌ عیراق ئاسان نییه‌و پێویسته‌ لێكۆڵینه‌وه‌ له‌لایه‌نه‌ باش و خراپه‌كانی بكرێت".

وتیشى "پێویسته‌ هۆكاری داواكاری وه‌زیری گه‌یاندن بزانرێت كه‌ بۆچى داواى داخستنى ئه‌و تۆڕه‌ كۆمه‌ڵایه‌تییانه‌ى كردووه‌ له‌ عیراق".

له‌ ماوه‌ى رابردوو هه‌یام یاسرى، وه‌زیرى په‌یوه‌ندییه‌كانى عیراق داوایكردبوو كه‌ تۆڕه‌كۆمه‌ڵایه‌تییه‌كان له‌ عیراق سانسۆر بكرێن و تیكتۆكیش له‌ناویاندا دابخرێت به‌هۆى كاریگه‌ریی خراپى له‌سه‌ر كۆمه‌ڵگا.

ع