مه‌ودا میدیا-

راوێژكارى ئابوورى سه‌رۆكى حكومه‌تى عیراق رایگه‌یاند، سه‌پاندنى باج له‌ لایه‌ن دۆناڵد تره‌مپ، سه‌رۆكى ئه‌مه‌ریكا به‌سه‌ر عیراق هیچ كاریگه‌رییه‌كى له‌سه‌ر ئابوورى وڵاته‌كه‌ نابێت.

مه‌زهه‌ر محه‌مه‌د، راوێژكارى ئابوورى سه‌رۆكى حكومه‌تى عیراق به‌ مه‌ودا میدیاى راگه‌یاند "ئه‌و بڕیارانه‌ى سه‌رۆكى ئه‌مه‌ریكا له‌باره‌ى سه‌پاندنى باج به‌سه‌ر وڵاتانى ناوچه‌كه‌ و عیراقیش، كاریگه‌ریی له‌سه‌ر عیراق نابێت".

وتیشى "عیراق هیچ هه‌ڵوێست و كاردانه‌وه‌یه‌كى بۆ ئه‌و بڕیارانه‌ نابێت، ئه‌وه‌ى په‌یوه‌ندیی به‌ نه‌وتیش هه‌بێت شتێكى ئاساییه‌ و له‌ ده‌ره‌وه‌ى سیاسه‌تى ده‌ره‌كییه‌".

له‌ چه‌ند رۆژى رابردوو تره‌مپ، كۆمه‌ڵێك بڕیاریدا بۆ سه‌پاندنى باج به‌سه‌ر وڵاتان، عیراقیش له‌و چوارچێوه‌یه‌بوو.

ع