مەودا میدیا-

راگەیاندنی پەرلەمانی عیراق بڵاویکردەوە کە سبەینێ رۆی پێنجشەممە کاتژمێر یەکی دوانیوەڕۆ پەرلەمان لەبارەی خۆپیشاندانەکانی مامۆستایان کۆدەبێتەوە

راگەیاندنی پەرلەمانی عیراق ئاماژەی بۆ ئەوەشکرد "پەرلەمان بۆ تاوتوێکردنی داواکاریی مامۆستایان کۆدەبێتەوە کە چەند رۆژێکە مانیان گرتووەو داوای لە پەرلەمانتاران کردووە ئامادەی دانیشتنەکە بن".

ئەمە لە کاتێکدایە، ماۆستایان لە شارەکانی ناوەڕاست و باشووری عیراق ، لەپێناو باشترکردنی گوزەرانیان و زیادکردنی دەرماڵەکان و ژیانێکی شکۆمەندانە چەند رۆژێکە لەسەر شەقامەکانن، بەڵام ماوەی 11 ساڵە مامۆستایانی هەرێمی کوردستان خۆپیشاندان و بایکۆتی دەوام دەکەن لەپێناو مووچەی بڕاو مافەکانیان بەڵام نەک وەڵامیان نادرێتەوە زۆربەی کات رووبەڕووی لێدان و زیندانیکردن و تووندوتیژیی دەبنەوە.

ب ح