مەودا میدیا-

دوای ئه‌وه‌ی دەنگ لەسەر پڕۆژەی بە پارێزگابوونی شاری هەڵەبجە درا، سێ‌ ئه‌ندامی په‌رله‌مانی عیراق له‌ پێكهاته‌ی توركمان داوایەکیان ئاڕاستەی دەستەی سەرۆکایەتی پەرلەمان کرد کە ته‌له‌عفه‌ر بكرێت به‌ پارێزگا، لە بەرانبەردا عه‌ره‌به‌ سوننه‌كانی موسڵ ئەو داوایە رەتدەکەنەوە.

ئه‌نجومه‌نی كۆمه‌ڵایه‌تیی عەرەبە سوننەکان لە موسڵ لە کۆنگرەیەکی رۆژنامەوانیدا رایانگەیاند  "به‌پارێزگاكردنی قه‌زای ته‌له‌عفه‌ر كاریگه‌ریی خراپی ده‌بێ و ململانێیه‌كان زیاد ده‌كات و دەبێتەهۆی سەرهەڵدانی ناکۆکی مەزهەبی و قەومی لە پارێزگاکە".

ئاماژەیان بۆ ئەوەشکرد "به‌ هه‌موو شێوه‌یه‌ك دابه‌شكردنی پارێزگای نه‌ینه‌وا ره‌تده‌كه‌نه‌وه‌، ئه‌و هه‌نگاوه‌‌ش خیانه‌ت و پیلانگیڕییه‌ له‌سه‌ر پارێزگاكه‌ و هەوڵێکە بۆ تێكدانی شیرازه‌ی كۆمه‌ڵایه‌تیی لەنێوان دانیشتووانیپارێزگای نه‌ینه‌وا".

ب ح