مه‌ودا میدیا-

ئه‌مڕۆ دووشه‌ممه‌، ژماره‌یه‌ك له‌ په‌رله‌مانتارانى عیراق له‌ فراكسیۆن و كوتله‌ جیاوازه‌كان، نوسراوى ناڕه‌زایه‌تیی هاتنى ئه‌حمه‌د شه‌رعى، سه‌رۆكى كاتى سوریایان ئاراسته‌ى سه‌رۆكایه‌تیی په‌رله‌مان كرا.

به‌ واژۆى 58 په‌رله‌مانتارانى عیراق، نوسراوێك دراوه‌ته‌ سه‌رۆكایه‌تیی په‌رله‌مانى عیرا و داوا ده‌كه‌ن هاتنى ئه‌حمه‌د شه‌رع، سه‌رۆكى كاتى سوریا بۆ عیراق رابگیرێت.

لایه‌نه‌ عیراقییه‌كان و په‌رله‌مانتاران و كه‌سایه‌تیی و له‌سه‌ر ئاستى به‌رپرسه‌ باڵاكانیش هه‌واڵى هاتنى شه‌رع بۆ به‌غدا ناڕه‌زایه‌تیی دروستكردووه‌ و داوا ده‌كرێت ئه‌و سه‌ردانه‌ى رابگیرێت.

ئه‌وه‌ش له‌كاتێكدایه‌ هه‌فته‌ى پێشوو له‌ وڵاتى قه‌ته‌ر، محه‌مه‌د شیاع سودانى، سه‌رۆكى حكومه‌تى عیراق، له‌گه‌ڵ ئه‌حمه‌د شه‌رع كۆبووه‌وه‌ و بانگهێشتى كۆنگره‌ى عیراقى كردووه‌.

ع