مه‌ودا میدیا-

بڕیارە بەمزوانە سەرۆک كۆمارى فەرەنسا سەردانی عیراق بکات ‌و کۆمەڵێک رێککەوتننامە واژۆ بکات.

امر فایز، ئەندامی لیژنەی پەیوەندییەکانی دەرەوە لە پەرلەمانی عێراق بە ڕۆژنامەی عەرەبییە جەدیدی راگه‌یاند "بۆ بەشداریی لە کۆنفرانسی بەغدا، ئیمانوێل ماکرۆن، سەرۆکی فەرەنسا مانگی داهاتوو سەردانی بەغدا دەکات".

باسى له‌وه‌شكردووه‌ "عیراق ‌و فەرەنسا لیژنەیێکی هاوبەشیان پێکهێناوە و دەستیانکردووە بە رێکخستنی ئەو دۆسیانەی کە لەسەردانەکەی ماکرۆن بۆ بەغدا تاووتوێ دەکرێن".

وتیشى "عیراق کاردەکات بۆ رێکخستنی هەموو رێوشوێنێکی ئەمنی ‌و لۆجستیکی بۆ سەردانەکەی داهاتووی ماکرۆن بەتایبەتی کە ئەم سەردانە زۆر گرنگە بۆ عیراق لەئاستە جیاجیاکاندا، هەروەها پشتیوانییێکی گەورە پێشکەش بە عیراق دەکات".

هه‌روه‌ها "سەردانەکە تیشک دەخاتەسەر دۆسیەی ئەمنی ‌و سەربازیی ‌و ئەگەری واژۆكردنى گرێبەستی چەکی نوێ لەگەڵ عیراق ‌و دۆسیەی ئابووری ‌و وەبەرهێنان ‌و گرنگی بەشداری کردنی کۆمپانیا فەرەنسییەکان لە بوارە جیاجیاکان بۆ کارکردن لە عیراق".

ع