مه‌ودا میدیا-

پارێزه‌رێكى راوێژكار رایگه‌یاند، هۆكارى سه‌ره‌كیی جیابوونه‌وه‌ى هاوسه‌ران له‌ ئێستادا بۆ سۆشیال میدیا و خیانه‌ت ده‌گه‌ڕێته‌وه‌.

به‌پێى ئامارێكى ئه‌نجوومه‌نى باڵاى دادوه‌رى له‌ عیراق بڵاویكرده‌وه‌ "له‌ ماوه‌ى مانگى نیسان، پێنج هه‌زار و 665 حاڵه‌تى جیابوونه‌وه‌ى هاوسه‌ران تۆماركراوه‌ له‌ شاره‌كانى عیراق، به‌بێ هه‌رێمى كوردستان".

باس له‌وه‌شكراوه‌ "زۆرترین جیابوونه‌وه‌ له‌ پارێزگاى به‌غداو به‌سره‌ بووه‌، ته‌نها له‌ به‌غدا هه‌زار و 910 حاڵه‌تى جیابوونه‌وه‌ تۆمار كراوه‌، كه‌مترینیش له‌ پارێزگاى سه‌ماوه‌ بووه‌ به‌ 96 حاڵه‌ت".

هه‌روه‌ها "له‌ ماوه‌ى ئه‌و مانگه‌دا له‌ شاره‌كانى عیراق 28 هه‌زار و 853 گرێبه‌ستى هاوسه‌رگیرى تۆمار كراوه‌".

بێرى قادر، پارێزه‌ر به‌ مه‌ودا میدیاى راگه‌یاند "به‌پله‌ى یه‌كه‌م هۆكارى سه‌ره‌كیی جیابوونه‌وه‌ى هاوسه‌ران سۆشیال میدیا و خیانه‌ته‌، ئه‌مه‌ زۆرترین هۆكارن بۆ جیابوونه‌وه‌ى هاوسه‌ران".

ع