مەودا میدیا-

پەرلەمانتارێکی عیراق ئاشکرایکرد كێشەكانی نێوان بەغدا و هەرێم سیاسین و تاوەکو ئێستاش دەسەڵاتدارانی هەرێم پابەند نەبوون بە یاسای بودجە و بڕیارەکانی دادگای فیدراڵی و تەوتیكردنی مووچەی فەرمانبەران رەتدەکاتەوە.

عادل رکابی، ئەندامی پەرلەمانی عیراق لە فراكسیۆنی سادیقون رایگەیاند "واژۆکردنی گرێبەستە نەوتییەکانی ئەم دواییەی هەرێمی کوردستان لەگەڵ ئەمەریکا كێشەكانی لەگەڵ بەغدا قوڵتركردەوەو لەبری چارەسەركردنی كێشەكان كێشەی تر دروست دەکات".

ئاماژەی بۆ ئەوەشکرد "هەرێم پابەند نەبووە بە یاسای بودجە و بڕیارەکانی دادگای فیدراڵی تەنانەت پابەندبوون نییە بە رێككەوتنە سیاسیەكانیشەوە، ئەگەر هەرێم تەنها داهاتە نەوتییەكانی رادەست بكردایە زۆرینەی كێشەكانی چارەسەر دەبوون".

ب ح