مەودا میدیا-

دوای سەرهەڵدانی شەڕوپێکدادان لەنێوان هۆزە بەدەوییە عەرەبییەکان و دروزەکان لەسنووری پارێزگای سوەیدای باشووری سوریا، چەکداران جۆلانی دەستوەردانیان کردو بووەهۆی کوژران و ئاوارەبوونی زیاتر لە هەزار هاوڵاتیی دروزی، لە بەرانبەردا ئیسرائیل بارەگاکانی دەسەڵاتەکەی جۆلانی لە دیمەشق بۆردومان کرد.

ڕوانگەی سوریا بۆ مافەکانی مرۆڤ رایگەیاند "بەپێی رێککەوتنی نێوان ئیسرائیل و حکومەتی راگوزەری سوریا، بە نێوەندگیری ئەمەریکا، چوونە ناو پارێزگای سوەیدا بۆ هەر دامەزراوەیەک یان رێکخراوێکی سەر بە حکومەتی ناوەندیی سوریا قەدەغە کراوە".

ئاماژەی بۆ ئەوەشکرد "بەپێی مەرجەکانی رێککەوتنە دۆسێیەی پارێزگای سوەیدا دەگوازرێتەوە بۆ ئەمەریکا و بەرپرسیار دەبێت لە چاودێریکردن و جێبەجێکردنی رێککەوتنەکە، هەروەها رێکخراوەکانی سەر بە نەتەوەیەکگرتووەکان بەردەوام چاودێری مافەکانی مرۆڤ دەکەن لە سوەیدا".

ئەمە لە کاتێکدایە، ئیسرائیل، دوای ئەنجامدانی کۆمەڵکوژی هاوڵاتییانی سوەیدا لەلایەن هۆزە بەدەوییەکان و چەکدارانی جۆلانی، بە مەرجی کشانەوەی چەکدارانی جۆلانی و چەکداماڵین لە باشووری سوریا هێرشەکانی راگرت.

ب ح