مه‌ودا میدیا-

له‌گه‌ڵ مووچه‌ى مانگى حه‌وتى فه‌رمانبه‌رانى هه‌رێم، هه‌زاران خانه‌نشین مووچه‌ى حه‌وت مانگ پێكه‌وه‌ وه‌رده‌گرن.

سادق عوسمان، وته‌بێژى یه‌كێتیی خانه‌نشینانى هه‌رێم به‌ مه‌ودا میدیاى راگه‌یاند "بۆ مووچه‌ى مانگى حه‌وت له‌گه‌ڵ لیسته‌كه‌دا، هه‌زاران خانه‌نشین مامه‌ڵه‌كانیان ته‌واوكرابوو، ره‌وانه‌ى وه‌زاره‌ت كرابوو".

وتیشى "له‌گه‌ڵ مووچه‌ى مانگى حه‌وت، زیاتر له‌ حه‌وت هه‌زار خانه‌نشین مووچه‌ى حه‌وت مانگ وه‌رده‌گرن، چونكه‌ له‌ مانگى یه‌كى ئه‌مساڵه‌وه‌ مووچه‌یان وه‌رنه‌گرتووه‌".

ئه‌وه‌شى خسته‌ڕوو "له‌گه‌ڵ مووچه‌ى مانگى هه‌شت، ژماره‌یه‌كى ترى خانه‌نشین مووچه‌ى هه‌شت مانگ به‌سه‌ریه‌كه‌وه‌ وه‌رده‌گرن".

ع