مەودا میدیا-

بەڕێوەبەرایەتی گشتیی کارەبای سلێمانی ئاشکرایکرد دانانی سیستمی به‌رهه‌مهێنانی كارەبا له‌ وزەی خۆر لەزیادبووندایە و لە دوو مانگدا زیاتر لە 700 هاوبەشی كارەبا سیستمی وزەی خۆریان داناوە.

بەڕێوەبەرایەتی گشتیی کارەبای سلێمانی رایگەیاند "تاوەکو 2025/9/30  ژمارەی ئەو هاوبەشانەی كارەبا كە سیستمەكەیان داناوە و لە بەشی وزە نوێبووەكان تۆماركراون گەیشتووەتە (هەزار و 746) هاوبەش و بڕی بەرهه‌مهێنانی كارەبایان (26.244) مێگاوات بووە".

ئاماژەی بۆ ئەوەشکرد " ئەو هاوبەشانەی سیستمی سۆلاریان داناوە لە (هەزار و 490) ماڵ و (198) هاوبەشی بازرگانی و (نۆ) هاوبەشی پیشەسازیی و (44) هاوبەشی كشتوكاڵی پێکهاتوون".

ب ح