مەودا میدیا-
 
سەرۆکی ویلایەتە یەکگرتووەکانی ئەمەریکا باس لە بەرزبوونەوەی نرخی نەوت دەکات، رایدەگەیەنێت کۆمپانیا گەورەکانی وزەیان جارێکی دیکە دۆخیان زۆر باش دەبێتەوە .
 
دۆناڵد ترەمپ، سەرۆکی ویلایەتە یەکگرتووەکانی ئەمەریک لە لاپەڕەی تایبەتی خۆی له تۆڕی کۆمەڵایەتی فەیسبووک نووسیویەتی "نرخی نەوتی خاو لەگەڵ کەمکردنەوەی بەرهەم لە لایەن سعوودییەوە روو لە بەرزبوونەوەیە".
 
ئاماژەی بەوەشکردووە "کۆمپانیا گەورەکانی وزەی ئێمە، کە خاوەنی ملیۆنەها هەلی کارن، جارێکی دیکە دۆخیان زۆر باش دەبێتەوە".
 
بەهۆی بڵاوبوونەوەی ڤایرۆسی کۆرۆنا و کەمی خواست و جەنگی ئابووری سعوودییە و روسیا، نرخی نەوت بەشێوەیەکی بەرچاو دابەزیووە، ئەمەش زیانی زۆری بەو وڵاتانە گەیاندووە.