مەودا میدیا-

سەرۆک وەزیرانی کاربەڕێکەری عیراق رایگەیاند سوپای عیراق لە جاران بەهێزترە و ئاماژەی بەوەشکرد توانای پاراستنی ئاسایش و سەقامگیری وڵاتی هەیە.

عادل عەبدولمەهدی، سەرۆک وەزیرانی کاربەڕێکەری عیراق لە رۆژی دامەزراندنی سوپای عیراق رایگەیاند "ئەو بارودۆخە سەختەی ئێستا پێویستی بە یەکڕیزی و یەکهەڵوێستی هەیە، بەشێوەیەک بەرژەوەندییە باڵاکان بخەینە سەر بەرژەوەندییە کەسییەکان و جەخت لەسەر ئاسایش و سەقامگیری و سەرەوەری عیراق بکەینەوە".

ئاماژەی بەوەشکرد "سوپای عیراق ئێستا زۆر لە جاران بەهێزترە و دەتوانێت بەرگری لە سەرەوەری و سەقامگیری وڵاتەکەی بکات".

هەر لە راگەیاندراوەکەدا عادل عەبدولمەهدی سوپاسی پێشمەرگە و حەشدی شەعبی و سوپای پۆلیسی کرد.