مەودا میدیا-

روانگەی سوریا بۆ مافەكانی مرۆڤ ئاشكرایدەكات، بەپێی نوێترین زانیاریەكانیان توركیا تا ئێستا زیاتر لە 16 هەزار چەكداری گروپەكانی ئۆپۆزسیۆنی سوریای لایەنگری خۆی، ناردووەتە لیبیا بۆ پشتیوانی حكومەتەكەی فایز سەرراج.

روانگەی سوریا ئەوەشی خستووەتەڕوو" بەپێی زانیارییەكانیان كە لەناو لیبیاوە پێیان دراوە، تا ئێستا توركیا 16 هەزار و 500 چەكداری سوری لایەنگری خۆی ناردووەتە لیبیا، كە لەنێوانیاندا 350 منداڵی تێدایە كە تەمەنیان خوار 18 ساڵە".

ئەو روانگەیە ئاماژە بەوەشدەكات" تا ئێستا بەهۆی پێكدادانەكانی لیبیاوە زیاتر لە 480 لەو چەكدارانەی توركیا بۆ لیبیای ناردوون كوژراون، لەناو ئەو كوژراوانەشدا 30 منداڵ هەیە، هەروەها چەند سەركردەیەكی ئەو گروپانەش كوژراون".

س.ج