مەودا میدیا- سەركۆ جەمال

فڕۆكەكانی ئەمەریكا كە لە چوارچێوەی هاوپەیمانی نێودەوڵەتی دژ بە داعشدان، بازگەیەكی هێزەكانی رژێمی سوریایان لە نزیك قامشلۆ كردە ئامانج، لە بەرامبەر ئەوەی كە رێگەیان لە دەوریەیەكی سەربازی هاوپەیمانان گرتبوو.

ئاژانسی هاوار بڵاویكردەوە "بەیانی ئەمڕۆ فڕۆكەكانی هاوپەیمانی نێودەوڵەتی بۆردومانی هێزەكانی رژێمی سوریایان لە بازگەیەكی نزیك شارۆچكەی تل براك لە نزیك باشووری قامیشلۆ كردووە و كوژراو و برینداری لێ كەوتووەتەوە".

ئاژانسەكە دەڵێت "رووداوەكە لە گوندی ئەبو زەهەب لە نزیك شارۆچكەی تل براك-ی باشوری شاری قامیشلۆ بووە، ئەوەش لە كاتێكدا بووە كە ئەو بازگەیە رێگەیان لە دەوریەیەكی هاوپەیمانان گرتبوو كە بچە قامیشلۆ".