مەودا میدیا-
وەزارەتی دەرەوەی ئێران چەند رێکارێکی تووندی دژ بە حکومەتی بەریتانیا بڵاوکردەوە و ئاشکرایکرد لە وەڵامی هەڵوێستەکانی ئەو وڵاتەدا، تاران دەزگای هەواڵگریی هێزەکانی دەریایی و ئاسمانیی شاهانە وەک رێکخراوی تیرۆریستی پۆلێن دەکات.
وەزارەتی دەرەوەی ئێران رایگەیاند “ئەم بڕیارانە لە وەڵامی هەڵوێست و دوژمنکارییەکانی ساڵی رابردووی لەندەنن دژبە تاران، بەتایبەت پێشکەشکردنی بنکەی سەربازیی و لۆجستی لەلایەن بەریتانیاوە و هەروەها بڕیاری لەندەن بۆ پۆلێنکردنی سوپای پاسداران لە چوارچێوەی یاسای هەڕەشە نێدەوڵەتییەکاندا”.
ئاماژەی بۆ ئەوەشکرد “بۆ لەمەودوا دەزگای هەواڵگریی دەرەکیی بەریتانیا (ئێم ئای 6) بەپێی یاسای تووندکردنی سزای سیخوڕی و هاوکاریکردن لەگەڵ نەیاران، وەک گرووپێکی دژبەر مامەڵەی لەگەڵدا دەکرێت”.
ئەوەشی خستەڕوو ” ئەم بڕیارانە بەپێی بنەما نێودەوڵەتییەکان و لە چوارچێوەی مافی مامەڵەی هاوشێوەدا دراون، بەریتانیا بەرپرسی یەکەم دەبێت لە هەر دەرئەنجام و لێکەوتەیەکی ئەم گرژییانە”.
ب ح
