مەودا میدیا- سازگار ئەحمەد

بەرەبەیانی ئەمڕۆ تەرمی ژنێکی تەمەن 31 سال گەیەندراوەتە نەخۆشخانەی شەهید پێشڕەو کە بە گولـلەی تاپڕ گیانی لەدەستداوە، رووداوەکەش لە گوندی کانی گەوهەری سەر بە ناحیەی ئاغجەلەری قەزای چەمچەماڵ روویداوە.

شەریف رەحیم، وتەبێژی بەڕێوەبەرایەتیی تەندروستیی چەمچەماڵ بە بەمەودا میدیای راگەیاند "بەرەبەیانی ئەمڕۆ کاتژمێر 2:00 تەرمی ژنێکی تەمەن 31 سال گەیەندراوەتە نەخۆشخانەی شەهید پێشڕەو کە بە گولـلەی تاپڕ گیانی لەدەستداوە، رووداوەکەش لە گوندی کانی گەوهەری سەر بە ناحیەی ئاغجەلەری قەزای چەمچەماڵ بووە".

ئاماژەی بەوەشکرد "تەرمی ژنەکە رەوانەی پزیشکی دادی سلێمانی کراوە بەمەبەستی لێکۆڵینەوە و زانینی هۆکاری گیان لەدەستدانەکەی، بەڵام بەپێی وتەی کەسوکارەکەی بێت رووداوەکە خۆکوژییە".

س.س