مەودا میدیا - کاروان نوری

کەمێک لەمەوبەر بە موشەک هێرشکرایە سەر کاروانێکی گواستنەوەی کەلوپەلی هێزەکانی هاوپەیمانی نێودەوڵەتی، موشەکەکە نەتەقیوەتەوە و تەنیا بەر یەکیک لە بارهەڵگرەکان کەوتووە.

شانەی راگەیاندنی ئەمنی عێراق بڵاویکردەوە "کەمێک لەمەوبەر بە موشەک هێرشکرایە سەر کاروانێکی گواستنەوەی کەلوپەلی هێزەکانی هاوپەیمانی نێودەوڵەتی و لە ئەنجامدا زیان بەر یەکێک لە بارهەڵگرەکان کەوتووە" بەپێی زانیاریەکانیش موشەکەکە لە پارێزگای دیوانیەوە ئاڕاستەی کاروانەکە کراوە.

ئەوەش خراوەتەڕوو "موشەکەکە نەتەقیوەتەوە و تەنیا بەر یەکیک لە بارهەڵگرەکان کەوتووە، بەڵام وەک ئاشکراکراوە هیچ زەرەر و زیانێک بەکاروانەکە نەکەوتووە".

ئەمەش لەکاتێکدایە، کاتژمێر 8:30 خولەکی شەوی رابردووش، چەند موشەکێک ئاڕاستەی بارەگای هێزەکانی هاوپەیمانان لە هەولێر کرا و لە ئەنجامیشدا هیچ زیانێکی لێنەکەوتەوە، بە گوێرەی زانیاریەکان موشەکەکان لەلایەن هێزێکی حەشدی شەعبیەوە ئاراستەی هەولێر کراون.

 
ک.ن