ئەنجومەنی سه‌ركردایه‌تى گشتى یه‌كێتیى نیشتمانیی كوردستان لە دوای یەکەم کۆبوونەوەی لە شاری سلێمانی رایدەگەیەنێت دانانى لیژنه‌یه‌ك بۆ پێداچوونه‌وه‌ى په‌یڕه‌وى ناوخۆ ,به‌پێى بڕیار و راسپارده‌كانى ئه‌ندامانى كۆنگره‌ى چواره‌مى یه‌كێتى پێکدەهێنێت.

لە راگەیاندراویکدا کە ئەمڕۆ 14/1/2020 لە دوای تەواوبوونی کۆبوونەوەکەی ئەنجومەنی سه‌ركردایه‌تى گشتى یه‌كێتیىدا هاتووە "بڕیاردرا ته‌واوى دامه‌زراوه‌ و ئۆرگانه‌كانى یه‌كێتیی نیشتمانىی كوردستان به‌رده‌وام بن له‌ كارى ئاسایى رۆژانه‌ى خۆیان تا ئه‌وكاته‌ى په‌یكه‌رى تازه‌ى یه‌كێتیی نیشتمانیی كوردستان له‌ لایه‌ن ئه‌نجومه‌نى سه‌ركردایه‌تى گشتی یه‌وه‌ رێكده‌خرێته‌وه‌".

باس لەوەشکراوە "بڕیاردرا یه‌كه‌م كۆبوونه‌وه‌ى ئه‌نجومه‌نى سه‌ركردایه‌تى به‌كراوه‌یى بهێلدرێته‌وه‌ تا په‌سند كردنى په‌یڕه‌وى ناوخۆ".

ئاماژەبەوەشکراوە "دانانى لیژنه‌یه‌ك بۆ پێداچوونه‌وه‌ى په‌یڕه‌وى ناوخۆ ,به‌پێى بڕیار و راسپارده‌كانى  ئه‌ندامانى كۆنگره‌ى چواره‌مى یه‌كێتى".