مەودا میدیا - کاروان نوری

بەڕێوەبەرایەتی تەندروستیی سلێمانی رایگەیاند، 125 کەس لە دەرچووانی پەرستاری زانکۆ و یاریدەدەری بێهۆشکاری بە شێوەی گرێبەست دادەمەزرێنرێن.

بەڕێوەبەرایەتی گشتیی تەندروستیی سلێمانی راگەیەندراوێکی بڵاوکردووەتەوە و ئاشکرایکردووە "بەپێی فەرمانی وەزاری ژمارە 9336ی وەزارەتی تەندروستیی حكومەتی هەرێمی كوردستان، 125 كەس لەدەرچووانی پەرستاری زانكۆ و یاریدەدەری بێهۆشكاری بەشێوەی گرێبەست دادەمەزرێنرێن".

ئەوەش خراوەتەڕوو "ئەو دەرچووانەی ئارەزووی دامەزراندنیان هەیە دەتوانن سەردانی بەشی پلانی بەڕێوەبەرایەتی تەندروستیی سلێمانی بكەن بە مەبەستی پڕكردنەوەی فۆرمی تایبەت بە دامەزراندن و گەڕاندنەوەی لەماوەی هەفتەیەكدا".