مەودا میدیا- سازگار ئەحمەد

ئەمڕۆ پێنجشەممە بە سەرپەرشتی سەرۆكی گروپی دۆستانی ئاژەڵ هەڵمەتێكی خۆبەخشانە ئەنجام درا بە مەبەستى خۆراك پێدان بە ئاژەڵە بێلانەكانی دەرەوەی شاری  سلێمانی.

هەژار عەلی، سەرپەرشتیارى گروپە خۆبەخشەکە بە مەودا میدیای راگەیاند "ئەمڕۆ پێنجشەممە 10ی کانونی یەکەمی 2020 لە کاتژمێر 1:00ی پاشنیوەڕۆ بە سەرپەرشتی سەرۆكی گروپی دۆستانی ئاژەڵ هەڵمەتێك ئەنجام درا، بە مەبەستى خۆراك پێدانی ئاژەڵە بێلانەكانی دەرەوەی شاری سلێمانی بە بەشداربوونی زیاتر لە (10) ئەندامی گروپەكە".

ئاماژەی بەوەشکرد "ئەوە بۆ یەكەم جارە وەك گروپ خواردن بەسەر ئاژەڵە بێلانەكاندا دابەش دەكەین، ئامانجی ئێمە ئەوەیە خەڵكانی تریش چاو لە ئێمە بكەن ببنە دۆستی ئاژەڵان و ئازاریان پێنەگەیەنن"، هەروەها ئاماژەی بەوەشدا "نەریتی ئازارنەدانی ئاژەڵان جوانترین نەریت و نەرمونیانترین رەوشتی مرۆڤە".

س.س