مەودا میدیا-

دوای ئەوەی درەنگانی شەوی رابردوو هەواڵی ئەوە بڵاوبووە کە گوایە تەقە لە بەڕێوەبەری پۆلیسی گەرمیان کراوە بەڕێوەبەرایەتیی پۆلیسی گەرمیان لەوبارەیەوە روونکردنەوەیەکی بڵاوکردەوە و هەواڵەکەی رەتکردەوە.

موقەدەمی مافپەروەر عەلی جەمال قدووری، وتەبێژی پۆلیسی گەرمیان رایگەیاند "هەواڵێک بڵاوکراوەتەوە کە تەقە لە بەڕێوەبەری پۆلیسی گەرمیان کراوە، ئـەو هەواڵە دورە لە راستییـەوە".

ئاماژەی بەوەشکرد "بەڕێوەبەری پۆلیسی گەرمیان ماوەی چەند رۆژە بەشەو و بەڕۆژ سەرقاڵی بەجێ هێنانی ئەرکی رۆژانەی خۆیەتی کـە پاراستنی هاوڵاتییانی خۆشەویستە، ئێستاش لە بارەگای بەڕێوەبەرایەتیی پۆلیسی  گەرمیانە".

وتەبێژی پۆلیسی گەرمیان وتی "زاڵگـەیـەکـی سـەر بـە بـەڕێـوەبـەرایـەتیمان کـە لە سەرتەکی بەمۆ جێگـیرکـراوە شەوی رابردوو تەقەی لێکراوە، بەڵام هیچ زیانێکی گیانی نەبووە تـەنـیا زیـانی مـادی هەبووە".

س.س