مەودا میدیا - کاروان نوری

ئەندامێکی ئەنجومەنی نوێنەرانی عیراق رایدەگەیەنێت، کۆبوونەوەی ئەمڕۆی شاندی حکومەتی هەرێمی کوردستان لەگەڵ سەرۆك وەزیران و سەرۆكی ئەنجومەنی نوێنەرانی عیراق ئەرێنی بووە.

هۆشیار عەبدوڵڵا، ئەندامی ئەنجومەنی نوێنەرانی عیراق رایگەیاند "کۆبوونەوەی سەرۆك وەزیران و سەرۆكی ئەنجومەنی نوێنەرانی عیراق لەگەڵ لیژنەی دارایی پەرلەمانی عیراق و شاندی حکومەتی هەرێم، ئەرێنی بووە".

ئاماژەی بەوەشکرد "شاندی هەرێمی کوردستان ئامادەییان نیشانداوە پابەندبن بە یاسای پرکردنەوەی کورتهێنانی دارایی، لە بەرانبەردا حکومەتی عیراق شایستە داراییەکانی مانگەکانی کۆتایی ساڵی 2020 بنێرێت".